Salonau Gwallt a Harddwch
Mae gennym salonau gwallt a harddwch ar hyd a lled y Gogledd Orllewin - ym Mangor, yn Nolgellau, yn Llandrillo-yn-Rhos ac yn Y Rhyl. Yn y salonau hyfforddi hyn, cynigir triniaethau trin gwallt, triniaethau harddwch a therapi cyfannol o safon uchel a phroffesiynol. Caiff y salonau eu rhedeg gan fyfyrwyr sy'n astudio ar gyfer cymwysterau yn y maes. Bydd ein tîm o staff profiadol yn goruchwylio gwaith y myfyrwyr hyn drwy gydol yr amser a gwneir pob ymdrech i sicrhau bod y gwasanaeth a gewch o'r safon ucha.
Yn y rhan fwyaf o'r salonau, mae apwyntiadau ar gael yn ystod y dydd ac ar rai min nosau. Gan fod ar y myfyrwyr Gwallt a Harddwch wastad angen cleientiaid i gwblhau eu cymwysterau, mae'r drysau'n agored i'r cyhoedd, boed yn ddynion neu'n ferched.
Bydd rhai myfyrwyr sy'n gweithio mewn ambell salon eisoes wedi cymhwyso, ond yn parhau â'u hyfforddiant er mwyn dysgu rhagor o sgiliau. Am bris ychydig yn uwch, gall cleientiaid ofyn am gael steilio eu gwallt gan fyfyriwr cymwysedig.
Salon The Graduate: Llandrillo-yn-Rhos
Mae'r salonau modern yn llefydd ymlaciol i gael eich pampro. Mae'r gwasanaethau trin gwallt a gynigir i ddynion a merched yn amrywio o 'dorri a steilio' a barbro i drin gwallt ar gyfer achlysur arbennig (e.e. parti) a lliwio, gan gynnwys gwasanaeth cywiro lliw. Ymhlith y triniaethau harddu, mae trin yr wyneb, y dwylo a'r traed, coluro, cwyro a thylino.
Bangor: Harddwch Menai
Gall y cyhoedd drefnu apwyntiadau i gael amrywiaeth o driniaethau am brisiau gostyngedig.
Mae'r rhain yn cynnwys triniaethau harddu i'r wyneb, y dwylo a'r traed ynghyd â thriniaethau coluro, cwyro a thylino.
Bangor: Salon Gwallt Menai
Gall y cyhoedd drefnu apwyntiadau i gael amrywiaeth o driniaethau am brisiau gostyngedig. Mae'r gwasanaethau trin gwallt a gynigir i ddynion a merched yn amrywio o dorri a steilio a barbio i drin gwallt ar gyfer achlysur arbennig (e.e. parti) a lliwio, gan gynnwys gwasanaeth cywiro lliw.
Salon Clwyd: Rhyl
01745 345 827
Mae'r salonau modern yn llefydd ymlaciol i gael eich pampro. Ymhlith y gwasanaethau trin gwallt a gynigir, mae lliwio, pyrmio, trin gwallt ar gyfer achlysuron arbennig, a thorri gwalltiau dynion a merched. Mae'r triniaethau harddu'n cynnwys trin y dwylo a'r traed, celfyddyd ewinedd, cwyro a lliwio blew llygaid ac aeliau.
Oriau Agor
- Llun 09:00-16:00
- Mawrth 09:00-16:00
- Mercher 09:00-16:00
- Iau 13:00-20:00
- Gwener 9:00-16:00
Mae'r salon hefyd ar agor yn ystod gwyliau'r haf, gwyliau hanner tymor, a chynhelir sesiynau ychwanegol ar adegau penodol o'r flwyddyn.
Dolgellau: Coleg Meirion-Dwyfor
01341 424 922
Gall aelodau o'r cyhoedd drefnu apwyntiadau yn y Salon yn Nolgellau i gael amrywiaeth o wasanaethau trin gwallt, gan gynnwys ei dorri, ei liwio, ei chwyth-sychu neu ei byrmio. Gallwch hefyd wneud apwyntiad i gael triniaethau harddu fel siapio'ch aeliau, tylino'ch wyneb, ffeilio a phaentio'ch ewinedd, a thrin eich traed a'ch dwylo.
Oriau Agor
- Llun 13:30-15:45
- Mawrth 13:30-15:45
- Mercher 13:30-15:45
- Iau 13:30-15:45
- Gwener 09:30-11:45 & 13:30-15:45