Disgyblion sy'n Gadael yr Ysgol
Dechreua Dy Stori...
Gallai dod i’r coleg newid eich bywyd! Yn ôl ein cyn-fyfyrwyr, bu’r cyfleusterau tan gamp, y ffrindiau newydd a wnaethant a’r gefnogaeth a gawsant gan diwtoriaid yn fodd iddynt gael profiadau gwych yn y coleg, ac yn help iddynt gyrraedd targedau na chredent oedd yn bosib.
Mae gadael yr ysgol yn gyfnod cyffrous, ond gyda chynifer o gyrsiau a llwybrau gyrfa i ddewis ohonynt fe all fod yn eithaf brawychus hefyd.
Yn ôl ein myfyrwyr, bu'r cyfleusterau tan gamp, y ffrindiau newydd a wnaethant a'r gefnogaeth a gawsant gan diwtoriaid yn fodd iddynt gael profiadau gwych yn y coleg, ac yn help iddynt gyrraedd targedau na chredent oedd yn bosibl.
Os ydych chi'n ystyried beth i'w wneud ar ôl gorffen eich arholiadau TGAU, yn awyddus i gael swydd newydd neu'n bwriadu mynd i'r brifysgol, mae gennym ni'r ateb i chi.
Pa gymhwyster bynnag a ddewiswch, gallwch fod yn sicr y bydd safon yr addysg a'r gefnogaeth bersonol a gewch chi'n ardderchog ac yn eich arwain at ddyfodol gwell.
Dechreuwch eich stori heddiw!
Cyrsiau Llawn Amser i Oedolion
Oeddech chi'n gwybod? Nid oes uchafswm oedran ar gyfer cyrsiau llawn amser yn y coleg. Gallwch wneud cais cyn belled â'ch bod chi dros 16 oed.
Mae ein cyrsiau i'r dim os ydych chi am ddychwelyd i addysg neu ddechrau gyrfa newydd neu os ydych chi eisiau datblygu sgiliau newydd.
Cyrsiau Llawn Amser
Mae ein cyrsiau llawn amser yn canolbwyntio ar ddysgu galwedigaethol ymarferol, gan roi'r cyfle i chi feithrin y sgiliau gwerthfawr sydd eu hangen arnoch ar gyfer eich gyrfa.
A chyda dros 20 o feysydd pwnc gwahanol i ddewis ohonynt, mae gennym ni rywbeth at ddant pawb.
Lefel A
Mae ein canolfannau Chweched Dosbarth yn gam nesaf delfrydol os ydych chi'n gobeithio mynd ymlaen i brifysgol neu gyflogaeth ar ôl dilyn eich cyrsiau Lefel A.
Yn 2024, roedd cyfradd llwyddo ein myfyrwyr Lefel A yn 99% ac aeth llawer ohonynt ymlaen i astudio mewn prifysgolion blaenllaw sy'n perthyn i Grŵp Russell, gan gynnwys Rhydychen a Chaergrawnt!
Prentisiaethau
Mae prentisiaethau'n cyfuno hyfforddiant yn y gwaith â gwersi arbenigol, gan roi'r cyfle i chi feithrin sgiliau gwerthfawr a chael profiad go iawn o'r byd gwaith gyda chyflogwr.