Graddau
Mae'r seremoni raddio flynyddol yn dathlu cyflawniadau unigol ein myfyrwyr Addysg Uwch. Bob blwyddyn mae cannoedd o raddedigion yn derbyn eu graddau mewn seremoni arbennig, a llawer o'r rhain yn cael gradd anrhydedd dosbarth cyntaf.
Canlyniadau Rhagorol
Bob blwyddyn, bydd ein myfyrwyr yn cael canlyniadau rhagorol ac yn dewis un ai parhau a'u hastudiaethau mewn prifysgol neu fynd ymlaen i fyd gwaith.
Lefel A
Mae'r cyfraddau llwyddo yng Ngrŵp Llandrillo Menai wedi codi 2% ers y llynedd i 99%. Llwyddodd 77.3% o'r dysgwyr i gael graddau A* i C (cynnydd o 3% ers 2023), gyda 23% yn cael y graddau uchaf posibl sef A* ac A (yr un fath â 2023).
Llwyddodd 64 o fyfyrwyr Grŵp Llandrillo Menai, mwy nag erioed o'r blaen, i ennill y graddau angenrheidiol i fynd i brifysgolion Grŵp Russell, a bydd un yn mynd i Brifysgol Rhydychen. Mae chwech o fyfyrwyr hefyd wedi ennill y graddau i astudio Meddygaeth, sef y nifer uchaf erioed yn hanes y Grŵp.
Llwyddiant ym maes Sgiliau Galwedigaethol
Mae ein myfyrwyr yn cymryd rhan mewn amrywiaeth eang o gystadlaethau cenedlaethol a rhyngwladol sy'n rhoi cyfle iddynt brofi eu sgiliau yn erbyn myfyrwyr o bob cwr o'r byd. Mae llawer wedi cymryd rhan yng nghystadlaethau WorldSkills gan deithio cyn belled â Rwsia a Brasil i gystadlu. Yn 2023, enillodd ein myfyrwyr 33 medal, gan gynnwys 8 medal aur.
Arolwg Dysgwyr 2024
Dychwelodd dysgwyr o'r coleg adborth cadarnhaol ar eu profiadau yn ein Harolwg Dysgwyr diweddaraf.
Prentisiaethau
Ym myd diwydiant, mae ein prentisiaid yn parhau i ragori yn eu gwahanol feysydd, gan ennill llu o wobrau am eu gwaith caled. Ymhlith ein llwyddiannau diweddar mae gwobr 'Prentis y Flwyddyn' Redrow a 'Medal Ragoriaeth' yn rownd derfynol cystadleuaeth WorldSkills.
Canlyniadau Chwaraeon
Mae ein hacademïau rygbi, pêl-droed a phêl-rwyd yn meithrin y genhedlaeth nesaf o chwaraewyr proffesiynol. Mae athletwyr talentog o'r academïau wedi mynd ymlaen i gynrychioli Cymru ar lefel ryngwladol.