Dyfarniad Lefel 2 ILM mewn Sgiliau Arwain a…

Manylion Allweddol

Ar gael yn:
Dysgu o Bell
Dull astudio:
Rhan amser
Hyd:
6 sesiynau

Dyfarniad Lefel 2 ILM mewn Sgiliau Arwain a Gweithio mewn Tîm (Cwrs Dysgu o Bell/Ar-lein dan arweiniad tiwtor)

Proffesiynol

Ffoniwch Busnes@LlandrilloMenai heddiw ar 08445 460 460 neu anfon e-bost i busnes@gllm.ac.uk.

Disgrifiad o'r Cwrs

Mae Dyfarniad Lefel 2 mewn Sgiliau Arwain a Gweithio mewn Tîm yn ddelfrydol i unigolion sy'n awyddus i ddechrau eu gyrfa ym maes arweinyddiaeth a rheolaeth drwy gael cymhwyster a gydnabyddir ledled y DU.

Mae'n ddelfrydol ar gyfer arweinwyr tîm presennol, gan y bydd yn eu helpu i ddod yn fwy effeithiol a hyderus yn eu rôl. Mae i'r dim hefyd ar gyfer arweinwyr tîm newydd neu ddarpar arweinwyr tîm – gan eu helpu i bontio o weithio mewn tîm i arwain tîm. Cynlluniwyd y cymhwyster hwn i'ch helpu i wella eich perfformiad fel aelod o dîm. Os ydych eisoes yn arweinydd tîm, bydd yn eich helpu i fod yn fwy effeithiol a hyderus yn eich rôl.

Manteision i unigolion

Dysgu sgiliau arwain a rheoli craidd
Rhoi'r sgiliau hyn ar waith yn eich gweithle
Gwella perfformiad eich tîm
Ennill cymwysterau a gydnabyddir yn genedlaethol.

Y manteision i gyflogwyr

Arweinwyr tîm brwdfrydig a chymwys
Gwella cynhyrchiant

Gofynion mynediad

Nid oes gofynion mynediad ffurfiol, ond bydd y rhai a fydd yn dilyn y rhaglen yn:

Gweithio fel Arweinydd Tîm neu'n awyddus i fod yn Arweinydd Tîm
Meddu ar Sgiliau Sylfaenol, Llythrennedd a Rhifedd digonol er mwyn gallu elwa i'r eithaf ar y rhaglen
Cael cefnogaeth eu cyflogwyr, gyda neu heb nawdd
Mae pob lle'n amodol ar gyfweliad boddhaol.

Cyflwyniad

Cynhelir y cyrsiau ar ddiwrnod penodedig bob wythnos, gyda dosbarthiadau'n cael eu cynnal rhwng tua 9.30 a 2.30 pm.

Cyflwynir y cwrs ar-lein gan ddefnyddio llwyfannau Google Meet neu Zoom. Caiff ei arwain gan diwtor drwy gyfuniad o sesiynau wedi eu hamserlennu yn cynnwys y canlynol:

Gwersi Ar-lein
Setiau dysgu gweithredol (grŵp ac unigol)
Trafodaethau proffesiynol
Astudiaethau achos
Cwisiau
Cyflwyniadau
Hunanasesu
Astudio personol dan gyfarwyddyd
Sesiynau Tiwtorial personol 1-2-1

Bydd gennych hefyd fynediad at amgylchedd dysgu rhithwir (Moodle) lle y ceir yr holl adnoddau dysgu a fydd yn rhoi cefnogaeth lawn i chi drwy gydol eich astudiaethau.

** Dylid nodi bod gliniadur/cyfrifiadur, meicroffon, camera a mynediad i'r rhyngrwyd yn ofynnol ar gyfer y rhaglen hon. Nid yw ffonau symudol a PDA's yn addas ac ni fyddant yn darparu profiad dysgu da.