Diogelu a Prevent

Mae Diogelu yn Gyfrifoldeb Pawb.

Wrth i chi ddechrau eich taith addysgol gyda ni, mae'n bwysig deall mai eich diogelwch a'ch lles chi yw ein prif flaenoriaethau. Rydym wedi ymrwymo i greu amgylchedd diogel a chefnogol lle gallwch ffynnu yn academaidd ac yn bersonol.

Beth yw Diogelu a pham ei fod yn bwysig?

Mae diogelu yn ymwneud â'ch diogelu rhag niwed a sicrhau eich bod yn teimlo'n ddiogel tra byddwch yn y coleg. Mae hyn yn cynnwys sicrhau eich bod yn rhydd rhag camdriniaeth, bwlio, esgeulustod, ac unrhyw fath arall o niwed, p'un a ydych ar y campws neu'n cymryd rhan mewn gweithgareddau coleg ar-lein.

Rydym am i chi gael y profiad gorau posibl. Trwy ddeall a chadw at arferion diogelu, gallwn oll gyfrannu at gymuned ddiogel a chefnogol. Mae diogelu yn ein helpu i sicrhau bod pob dysgwr yn teimlo ei fod yn cael ei werthfawrogi, ei barchu a’i warchod.

• Cwrdd â'r Tîm Diogelu
• Gwneud cyfeiriad diogelu

Beth yw Prevent a pham ei fod yn bwysig?

Mae Prevent yn rhan o strategaeth llywodraeth y DU i atal pobl rhag cael eu denu i derfysgaeth. Mae'n ymwneud â chefnogi ac amddiffyn y rhai a allai fod yn agored i radicaleiddio, gan sicrhau eu bod yn cael cymorth cyn y gall unrhyw niwed ddigwydd.

Nid yw PREVENT yn ymwneud â chyfyngu ar eich rhyddid i lefaru neu lleisio eich barn. Mae’n ymwneud â sicrhau bod ein campws yn fan diogel lle gellir cynnal trafodaethau agored ac iach heb ofni eithafiaeth. Rydym am eich grymuso gyda'r wybodaeth a'r ddealltwriaeth i adnabod ac ymateb i risgiau posib yn eich amgylchedd.

Gwerthoedd Prydeinig

Mae Gwerthoedd Prydeinig Sylfaenol yn greiddiol i’r hyn yw bod yn ddinesydd mewn Prydain Fawr fodern ac amrywiol gan werthfawrogi ein cymuned a dathlu amrywiaeth y DU. Y gwerthoedd hyn yw:

• Democratiaeth
• Rheolaeth y Gyfraith
• Parch a Goddefgarwch
• Rhyddid yr Unigolyn