Newyddion

Bydd Matt Tebbutt, cogydd llwyddiannus yn ogystal ag awdur a chyflwynydd Saturday Kitchen ar y BBC yn dod i Landudno mis nesaf i siarad mewn digwyddiad arbennig iawn ar gyfer gweithwyr proffesiynol sy'n gweithio yn y diwydiant twristiaeth yn Llandudno a'r cyffiniau.

Fel rhan o gynllun Gaeaf Llawn Lles Llywodraeth Cymru, cafodd myfyrwyr ar gwrs Peirianneg Forol ar safle Pwllheli y cyfle i fynd ar gwch SeaWake cwmni Angelsey Boat Trips yn ddiweddar.

Mae Gaeaf Llawn Lles yn rhan o becyn gwerth £20 miliwn gan Lywodraeth Cymru i gefnogi plant a theuluoedd er mwyn sicrhau nad oes yr un plentyn yn cael ei adael ar ôl o ganlyniad i’r pandemig.

Mae Chwaraeon Cymru wedi bod yn cydweithio â sefydliadau i gyflwyno rhaglen o weithgareddau amrywiol, gyda’r nod o ysbrydoli pobol ifanc i gymryd rhan mewn chwaraeon a chadw’n heini.

Cafodd ein myfyrwyr y cyfle i fynd ar gwch cyflym Doscovery y cwmni, yr unig un o’i mhath yn y wlad, ar daith hyd afon Menai, gan hwylio o dan Pont Menai , Thomas Telford a Phont Britannia, Robert Stephenson, cyn hwylio nol am Beaumaris ac o gwmpas Ynys Seiriol.

Dywedodd Philip Masterson o adran Beirianneg Forol CMD Pwllheli.

‘Mae cyflwyno’r math yma o gyfleoedd i’n myfyrwyr yn rhan ganolog o’n gwaith yn y coleg. Mae cael y cyfle i weld pobol yn y byd go-iawn yn gweithio allan ar y mor, ac mewn cwmnïau llwyddiannus fel Angelsey Boat Trips yn hynod o bwysig i ddatblygiad addysgol ein myfyrwyr. Diolch o galon i brosiect Gaeaf Llawn Lles am y cyfle hwn”

Dywedodd Dawn Bowden Dirprwy Weinidog y Celfyddydau a Chwaraeon, Llywodraeth Cymru

‘Bydd y sector diwylliant a chwaraeon yn parhau i chwarae rhan bwysig yn cefnogi plant a phobl ifanc i gael eu gwynt atynt ar ôl y pandemig, ac rwy’n edrych ymlaen at weld ein pobl ifanc yn dychwelyd i wneud y gweithgareddau y maent yn eu mwynhau, ac yn troi eu llaw at weithgareddau newydd hefyd. Mae’r rhaglen hon yn enghraifft arall o sut yr ydym yn cydweithio i roi cyfleoedd a phrofiadau i blant a phobl ifanc sy’n cael effaith tymor hir a chadarnhaol ar iechyd a lles.’

Dywedodd Julie Morgan Dirprwy Weinidog Gwasanaethau Cymdeithasol, Llywodraeth Cymru

‘Mae rhoi cefnogaeth i blant a phobl ifanc ledled Cymru yn flaenoriaeth i’r llywodraeth hon, ac mae’n wych gweld plant yn cael blas ar wahanol weithgareddau chwaraeon dros wyliau’r hanner tymor. Gobeithio y bydd y sesiynau yn ysbrydoli’r plant sy’n cymryd rhan i ddysgu mwy am y chwaraeon hyn, i gadw’n heini ac yn bwysicach na dim i gael hwyl.’

Er mwyn dysgu mwy am ein cwrs Peirianneg Forol yn y coleg, ac i wneud cais, cliciwch YMA

Mae myfyrwyr Coleg y Rhyl yn edrych ymlaen at y cyfle i brofi eu sgiliau yn erbyn eu cyd-fyfyrwyr yn y 'Cystadlaethau Olympaidd ym maes Sgiliau a'r Ffair Yrfaoedd' a gynhelir ddydd Iau 7 Ebrill ar gampws y Rhyl yn rhad ac am ddim i bawb!

Mae chwaraewraig rygbi ryngwladol sy'n adnabyddus am hyfforddi cŵn defaid, ac sydd newydd gofrestru ar gwrs dwys er mwyn gwireddu ei breuddwyd o fod yn fydwraig, wedi'i chynnwys mewn grŵp dethol o’r merched cyntaf erioed i gael contractau proffesiynol gan Undeb Rygbi Cymru.

Mae aelod o staff Coleg Menai wedi codi miloedd o bunnoedd dros nifer o elusennau drwy gyflawni cyfres o heriau, a hynny ar ôl brwydr lwyddiannus ei ferch yn erbyn canser.

Gyda’r Cynllun Cymraeg Gwaith yn dod i ben ar gyfer cylch 2021/22, cynhaliwyd Gwobrau Cymraeg i Staff am y tro cyntaf eleni, er mwyn dathlu’r staff hynny sy’n rhoi llawer o amser ac ymdrech i ddysgu Cymraeg trwy’r cynllun ac i gydnabod eu gwaith caled ac ymroddiad tuag at yr iaith.

Rydym yn cymryd cipolwg ar fywyd Stephen Edwards yn dilyn ei gyfnod ar y cwrs Sylfaen Celf wrth i ni ddathlu cynnal y rhaglen yng Ngholeg Menai am ddeugain mlynedd..

Mae Ffion Freeman a Rebecca Fox, dwy o fyfyrwyr Lefel A Coleg Meirion-Dwyfor Dolgellau , wedi bod yn helpu gyda phrosiect hanes llafar yn ddiweddar i goffau sut yr agorodd un pentref bach gwledig ym Meirionnydd eu breichiau i ffoaduriaid oedd yn ffoi rhag erledigaeth 50 mlynedd yn ôl.

Enillodd dysgwyr Grŵp Llandrillo Menai 31 medal – mewn 17 categori gwahanol – yn seremoni flynyddol Cystadleuaeth Sgiliau Cymru'r wythnos diwethaf.

Mae staff a myfyrwyr caredig o Grŵp Llandrillo Menai – grŵp colegau addysg bellach mwyaf Cymru – yn ymuno yn yr ymdrech ddyngarol i gefnogi Wcráin mewn nifer o ffyrdd arloesol.