Trin Gwallt a Therapi Harddwch
Darperir eich hyfforddiant mewn salon o’r radd flaenaf a chewch eich dysgu sut i ddefnyddio’r technegau a’r cynhyrchion diweddaraf, yn cynnwys rhai Wella, Goldwell, Dermalogica a Tan Truth.
Mae ein cyrsiau wedi'u cynllunio i roi'r sgiliau a'r wybodaeth sydd eu hangen arnoch i ragori yn y maes dynamig hwn.
Rydym yn gweithio mewn partneriaeth â Grŵp Francesco sy'n adnabyddus ledled Prydain ac wedi ennill llu o wobrau.
Mae ein dewis o gyrsiau'n cynnwys Trin Gwallt, lle cewch feistroli'r grefft o dorri, lliwio a steilio gwallt. Therapi Harddwch lle cewch ddysgu technegau rhoi triniaeth i'r wyneb, tylino, a harddu'r ewinedd. Neu Farbro, lle cewch hogi eich crefft gan ddefnyddio technegau barbro traddodiadol a modern.
Mae ein cyfleusterau hyfforddi modern yn cynnwys salonau sy'n agored i'r cyhoedd ar gampysau Bangor, Dolgellau, Llandrillo-yn-Rhos a'r Rhyl, felly cewch ymarfer a datblygu eich sgiliau mewn amgylchedd gwaith go iawn.
Yn ogystal â chymryd rhan mewn cystadleuaeth fewnol flynyddol, mae ein myfyrwyr yn ennill cystadlaethau rhanbarthol a chenedlaethol. Ceir cyfleoedd hefyd i ymweld ag arddangosfeydd cenedlaethol ac i fynd ar leoliad gwaith.
Gallai llwybrau gyrfa posibl gynnwys bod yn:
- Steilydd Gwallt
- Therapydd Harddwch
- Artist Coluro
- Barbwr
- Perchennog Salon
- Ymgynghorydd Cynnyrch
Rhowch rwydd hynt i'ch creadigrwydd a dechreuwch ar yrfa werth chweil yn y diwydiant gwallt a harddwch.
Pa lefel a chwrs sy'n addas i mi?
Cynigwn y dewis mwyaf o gyrsiau addysg bellach ac addysg uwch yng Ngogledd Cymru ac maent yn amrywio o gyrsiau
Lefel 1 hyd at gyrsiau
Lefel 3. Rydym hefyd yn cynnig Prentisiaethau.
Dyma ganllawiau syml sy'n esbonio'r lefelau, cyrsiau a'r llwybrau dilyniant sydd ar gael i chi.
Cyrsiau lefel 1
Cyrsiau lefel 2
Cyrsiau lefel 3
- Prentisiaeth - Gwaith Barbwr Lefel 2
- Prentisiaeth - Gwasanaethau Ewinedd Lefel 2
- Prentisiaeth - Gwasanaethau Ewinedd Lefel 3
- Prentisiaeth - Therapi Harddwch Lefel 2
- Prentisiaeth - Therapi Harddwch Lefel 3 (Tylino)
- Prentisiaeth - Trin Gwallt Lefel 2
- Prentisiaeth - Trin Gwallt Lefel 3
- Prentisiaeth Uwch - Trin Gwallt Lefel 4
Gyrfa mewn Trin Gwallt a Therapi Harddwch
Noder os gwelwch yn dda: Mae'r data/wybodaeth a welir yma yn cael ei ddarparu gan EMSI Career Coach, ac ond ar gael yn Saesneg. Nid yw Grŵp Llandrillo Menai yn gyfrifol am gynnwys gwefannau a darparwyr allanol.
