Daeth cyflogwyr a chynrychiolwyr o'r diwydiant adeiladu i Ganolfan Sgiliau, Isadeiledd a Thechnoleg (CIST) a Choleg Menai i gymryd rhan mewn sesiynau yn trafod y newidiadau i brentisiaethau adeiladu a chanfod gwybodaeth am gyrsiau adeiladu a'r cyllid sydd ar gael drwy Busnes@LlandrilloMenai.
Newyddion Grŵp
Dewch i wybod mwy
Mae gwneuthurwr carafanau moethus The Fifth Wheel Company (Fifth Wheel Co.) wedi gallu codi capasiti, cynhyrchu mwy a gwneud mwy o elw yn ogystal â chreu diwylliant o gydweithio ac arloesi o ganlyniad i weithio mewn partneriaeth â Busnes@LlandrilloMenai, cangen busnes Grŵp Llandrillo Menai.
Mae Grŵp Llandrillo Menai'n falch o gyhoeddi bod Undeb Myfyrwyr y Coleg wedi'i enwi fel 'y gorau yng Nghymru' am y pedwerydd tro yn olynol yn seremoni wobrwyo flynyddol Gwobrau Undeb Cenedlaethol Myfyrwyr (UCM) Cymru yng Nghaerdydd!
Chwaraeodd myfyrwyr a staff o Academi Chwaraeon Grŵp Llandrillo Menai ran allweddol ym muddugoliaeth Tîm Pêl-droed Ysgolion Cymru yn ddiweddar yng nghystadleuaeth Centenary Shield, y tro cyntaf iddynt godi'r darian ers dros 40 o flynyddoedd!
Mae cynlluniau gan Grŵp Llandrillo Menai i symud ei gampws ym Mangor i Barc Menai wedi cael eu cymeradwyo gan Penderfyniadau Cynllunio ac Amgylchedd Cymru. Bydd y prosiect i foderneiddio'r cyfleusterau dysgu a hyfforddi sydd ar gael yn lleol i bobl ifanc yn cael ei ariannu ar y cyd gan Lywodraeth Cymru a Grŵp Llandrillo Menai a bydd yn costio oddeutu £13 miliwn.
Mae Grŵp Llandrillo Menai ymhlith y grwpiau colegol cyntaf yng Nghymru i ddarparu podiau ar bob un o'i gampysau i fyfyrwyr er mwy iddynt ymneilltuo unrhyw bryd y cânt eu llethu a phan fyddant yn teimlo bod arnynt angen lle tawel.
Yn ddiweddar daeth rhai o arbenigwyr y diwydiant digidol ynghyd i drafod gwerth y Gymraeg fel sgil yn y diwydiant digidol. Trefnwyd y gynhadledd gan Sgiliaith a Swyddogion y Coleg Cymraeg Cenedlaethol yng Nghrŵp Llandrillo Menai ar y cyd gyda Hunaniaith (Menter Iaith Gwynedd).
Mae Tîm Anghenion Dysgu Ychwanegol Grŵp Llandrillo Menai (GLLM) wedi derbyn tystysgrif gan Awtistiaeth Cymru am ddarparu cefnogaeth i fyfyrwyr.
Gyda’r Cynllun Cymraeg Gwaith yn dod i ben ar gyfer cylch 2021/22, cynhaliwyd Gwobrau Cymraeg i Staff am y tro cyntaf eleni, er mwyn dathlu’r staff hynny sy’n rhoi llawer o amser ac ymdrech i ddysgu Cymraeg trwy’r cynllun ac i gydnabod eu gwaith caled ac ymroddiad tuag at yr iaith.
Enillodd dysgwyr Grŵp Llandrillo Menai 31 medal – mewn 17 categori gwahanol – yn seremoni flynyddol Cystadleuaeth Sgiliau Cymru'r wythnos diwethaf.