Grŵp Llandrillo Menai yn lansio digwyddiadau agored mis Tachwedd

Mae Grŵp Llandrillo Menai yn cynnal digwyddiadau agored ym mhob un o'i gampysau yn ystod mis Tachwedd.

Mae Coleg Llandrillo, Coleg Menai a Choleg Meirion-Dwyfor yn cynnig amrywiaeth enfawr o gyfleoedd – o gyrsiau galwedigaethol, prentisiaethau a chyrsiau Lefel A i raddau a chymwysterau proffesiynol.

I unrhyw un sydd â diddordeb mewn astudio yn y coleg, mae digwyddiadau agored yn gyfle perffaith i archwilio campysau’r Grŵp, edrych ar y cyfleusterau rhagorol, cyfarfod â’r tiwtoriaid a chael gwybod am y cyrsiau sydd ar gael.

Gallwch hefyd ofyn unrhyw gwestiynau sydd gennych, darganfod sut beth yw astudio yn y coleg, a chael cyngor ar sut i sicrhau eich lle ar gyfer mis Medi 2024.

⁠Dywedodd Lawrence Wood, Pennaeth Coleg Llandrillo: “Grŵp Llandrillo Menai sy’n cynnig y dewis ehangaf o brentisiaethau llawn amser, rhan-amser, a chyrsiau lefel gradd a phrifysgol yng Ngogledd Cymru.

“Yn ein digwyddiadau agored byddwch yn gallu darganfod rhagor am ein holl gyrsiau, sy’n cael eu datblygu mewn ymgynghoriad â chyflogwyr er mwyn rhoi’r sgiliau a’r wybodaeth y mae cwmnïau’n gofyn amdanynt yn y gweithle modern.

"Bydd ein tîm Gwasanaethau i Ddysgwyr hefyd wrth law gyda gwybodaeth am y gefnogaeth sydd ar gael i chi fel myfyriwr yn y coleg - gan gynnwys cymorth ariannol, cludiant a chwnsela."

Meddai Aled Jones-Griffith, Pennaeth Coleg Menai a Choleg Meirion-Dwyfor: “Mae’r digwyddiadau agored sydd wedi’u trefnu ledled ein campysau yn gyfle gwych i chi weld ein cyfleusterau penigamp a chwrdd â’r staff i ddarganfod mwy am y cyrsiau sydd ar gael.

“Er bod mis Medi nesaf yn teimlo’n bell i ffwrdd, mae dechrau cynllunio’ch dyfodol yn gam pwysig. Rydyn ni'n siŵr bod gennym ni rywbeth i'w gynnig i bawb, ac rydyn ni'n edrych ymlaen yn fawr at eich gweld chi."

Mae’r rhestr lawn o ddigwyddiadau agored fel a ganlyn:

Coleg Meirion-Dwyfor

Campws Pwllheli - Dydd Iau 9 Tachwedd, 5-7pm

Campws Hafan Pwllheli (Peirianneg) - Dydd Iau 9 Tachwedd, 5-7pm

Campws Dolgellau - Dydd Llun 13 Tachwedd, 5-7pm

Campws CaMDA Dolgellau (Adeiladu a Pheirianneg) - Dydd Llun 13 Tachwedd 5-7pm

Coleg Llandrillo

Campws Abergele - Dydd Llun 13 Tachwedd, 5.30pm-7pm

Campws Llandrillo-yn-Rhos - Dydd Llun 13 Tachwedd, 5.30pm-7pm

Campws y Rhyl - Dydd Mawrth 14 Tachwedd, 5.30-7pm

Coleg Menai

Neuadd Friars, Bangor - Dydd Mawrth 14 Tachwedd, 4.30-6.30pm

Campws Llangefni - Dydd Mercher, 15 Tachwedd, 4.30-6.30pm

Parc Menai (Celf a Dylunio) - Dydd Iau 16 Tachwedd 4.30-6.30pm

Coleg Glynllifon

Coleg Glynllifon - Dydd Sadwrn 18 Tachwedd 9am-1pm

I archebu eich lle yn unrhyw un o’r digwyddiadau agored, cliciwch yma.